 الذهب رخيص
|
لو أكتب أبيات القصيدة من ذهب = يمكن تكون أرخص من الشي الرخيص
لاصار معناها يغيب وما أنكتب = على كتابة نصّها ماني حريص
حتى لو إن فيها العجايب والعجب = ماطال عمر اللّي من العقرب لقيص
ومادامني من ساس قحطان العرب = درب الجزالة خير من درب الخبيص
أخاف يلحقني مشاريه وعتب = ولاحسبت حساب لبّاس القميص
أخشى من اللّي في المواقف ماكذب = واللي ليا جات الشدايد مايحيص
ماهمني الشهره ولا إسم اللقب = كم واحدٍ قالوا ( وفي ) وأصله ( نقيص )
واللّه وفي وجهي وفي هذا الشنب = لخلي أبيات الشعر عندي تهيص
واللّي يشب النار ماعنده حطب = ليل العنا والبرد ماعنّه محيص
|
آخر تعديل شيهان يوم 08-02-2008 في 02:34 AM. |