مدام إنا أجتمعنا ياعرب في منتدى راحه = أنا واحد من أهل المنتدى يامرحبا يارجال
أقوله من ورى الصفحه وأقوله من على الساحه = هلا يامرحبا ترحيبةٍ يعجز بها العذال
هلا والعود الأزرق ريحته والمسك فواحه = وبن أشقر وهيل ودلةٍ في جنبها فنجال
هلا باللي لهم نفسي مع الايام مرتاحه = لهم في خاطري قيمه وفي قلبي لهم منزال
مدام النفس للواجب وكسب الطيب طماحه = بقوله بالنيابه وأعتبرها لحظة إستقبال
نيابه عن رجالٍ كل واحد يحمل وشاحه = هلا ومية هلا باللي لفونا وأقبلوا في الحال
عوايد منتدى راحه تكون النفس مزّاحه = ولا نقبل كلام القيل ولاّ قولة إنه قال
نبي ( قصّه ) ( قصيده ) ( لغز ) قفلٍ ضاع مفتاحه = يضيع وما يضيع بموقعٍ توجد به الأبطال
ألا ياللّي لفيتونا تسير النفس بالراحه = نبي ممشاً يجملنا ولا نرضى بالإستعجال
وش اللي يدفع المهبول حتى يكثر صياحه = ألا معقلك يالعاقل ولو كان الدهر ميال
حكيم الراي مايغلط لسانه دايم سلاحه = وأكيد الخبل منطوقه يعاكس منطق العقال
طبيب الجرح متخصص وهو بالفعل جراحه = يداوي الجرح باسلوبه ولا يحتاج لإستئصال
أكيد العلم واضح و ( أرحبوا ) في منتدي راحه = أقوله عن بني عمي وأنا اسمي الشاعر ابن عدال
وسلامتكم
آخر تعديل عوض أبن هملة يوم 04-28-2008 في 06:57 AM.
هذه الرسالة تفيد بأنك غير مشترك في راحة سنحان. لتسجيل الرجاء اضغط هنـا 
أرحبوااااااااا جميعا بالنيابه عن بني عمي 
النمط الخطي
