اخواني
بعد التحيه
هذه قصيده لشاعره ترقد ( بدار المسنين )
تنثر كل احزانها بصوت الامومه لولدها الذي تركها بالدار وبخل عليها بأضعف ماتريد الا وهو رؤيته........
قدمت هذه القصيده لاحد المشرفين الذين يقمون برعايتها لتقديمها الى ابنها ( حمدان)



يامسندي قلبي على الدوم يطريك
ماغبت عن عيني وطيفك سمايا

هذي ثلاث سنين والعين تبكيك
ماشفــــت زولـــــك زاير ياضنايا

تذكر حياتي يوم اشيلك وادرايك
وألاعبـــك دايــــم وتمشـــــي ورايا

ترقد على صوتي وحضني يدفيك
ماغيرك احد ساكن (ن) في حشايا

وليا مرضت اسهر بقربك واداريك
ماذوق طعـــــم النــــوم صبح ومسايا

ياما عطيتك من حناني وابعطيك
تكبر وتكبر بالامل يامنايا

لكن خساره بعتني اليوم وش فيك
واخلصت للزوجه وانا لي شقايا

انا ادري انها قاسيه ماتخليك
قالت عجوز وما ابيها معايا

خليتني وسط المصحه وانا ارجيك
هذا جزاء المعروف وهذا جزايا

ياليتني خادمه بين اياديك
من شان اشوفك كل يوم برضايا

مشكور يا ولدي وتشكر مساعيك
وادعي لك الله دايم بالهدايا

حمدان ياحمدان امك توصيك
اخاف ماتلحق تشوف الوصايا

اوصيت دكتور المصحه بيعطيك
رسالتي وحروفها من بكايا

وان مت لاتبخل عليه بداعويك
واطلب لي الغفران وهذا رجايا

وامطر تراب القبر بدموع عينيك
ماعاد ينفعك الندم والعنايا




شي يقهر.................

مشكور يا اخو وعله
وحاجة تقهر من جد
وبعد كل هذا تحبه وودها تشوفه وتدعيله كمان
صحيح قلب الأم حنون على الابن اكثر من حنيته على نفسه

مشاء الله عليك طاطا
ما امداني (( توني خلصت امداك تقراها)))
مشكوووور على مرووووررررك


تسلم ياغالي

الله يكون في عونها
ويهدية انشالله لها


شكرا اخو وعلة على القصيدة