اعلانات المنتدي
اليوم يالطيبين سالفتي سالفته ومشكلتي مشكله بس ماعليكم وسعوا صدوركم مافيه مشكله الا لها حل >>>>>>>>>>صح لساني ----------- يالله نبدا ------------- أنا ياطويلين العمر والسلامه كنت جالس تحت نخله بالمزرعه وجالس بالظل لا لي ولا علي ومن الفضاوه كنت احك سري <----- اللي مايعرف كلمه سر ينزل تحت 7 7 7 7 السر = فتحه في البطن اذا حكيتها تشعر انك مسطل (( سكران يعني )) المهم وانا احك سري جالس افره يمين ويسار اقلب بالقنوات اشوف الارسال متى يصفي >>>>>>>>حشا ماصار بطن هذا وفجاه ومن غير اي سابق انذار ......... طلع لى الجني حق الامنيات بس اللي اعرفه ان الجني يكون بفانوس سحري مو ساكن بسري المهم قال : شبيك لبيك المارد بين ايديك اطلب اي شي. انا من الفرحه قلت : والله اطلب اي شي . قال المارد : اي شي ياسيدي . هو بس قال سيدي انا رحت فيهابعييييييييييييييييد محد قد مدحني . قلت : اممممممممم ابي اصير ملك واحكم العالم كله . جا المارد وجلس يناظرني من فوووق الى تحت وهو يهز راسه وقال : بصراحه ياسيد وجهك مايساعد انك تكون حاكم اطلب اي طلب ثاني وانا انفذه لك . بعد ماحطمني قلت : اممممممممم ابي اصير بطل فلم رومنسي والفلم يحطم جميع الارقام القياسيه واخذ جائزه الاوسكار <---- متحمس بقوه صح . بلحظه التفت واشوف المارد منسدح على الارض وماسك بطنه ويضحك علي . من القهر قلت : ياجعلها ضحكة عنز على باب مسلخ . جاء المارد وقال : يرحم والديك غير الطلب من جد لا ممثل تنفع ولا ملك اطلب اي طلب ثاني وانا انفذه لك . جيت وبراسي الف خطه وخطه علشان اخليه يحقق الاماني اللي تمنيتها قبل كذا قلت بنفسي : ابي اطلب طلب اخليه يعجز يسويه . وكذا راح يخليني ملك ولا بطل فلم >>>>>>>>> فكره مش بطاله. جيت قلت له : ابي اروح للعصر الجاهلي . وفجاه واحصل نفسي على الارض والشمس صاقعتني قمت واشوف ناس لبسهم غريب واشكالهم غريبه جيت ووقفت واحد من اللي يمشووون وقلت له : يابو الشباب وش السالفه . التفت علي وقال : لااعرف ماذا تقول ياخ العرب . <----- هو بس قال كذا . عرفت ان الجني ابن الذين سواها فيني ورحت فيها انا والامنيه تحققت قلت شو اسوي الحين . المشكله اني حمار باللغه العربيه ودايم ارسب بالنحو والبلاغه والادب . جيت عنده وقلت : فيه مقهى (( ناوي ادخل على راحة سنحان واكتب مشكلتي في قسم الشكاوي علشان اشوف حل لهذي المشكله)) الرجال فهم قصدي غلط وقال : مقهى لرواد انه هناك في نهايه الطريق (( قلت بنفسي الرواد احسن من لا شي اقل شي اكتب موضوع ترحيب بالعصر الجاهلي )) دخلت وانا احسبه مقهى انترنت . بس اللي شفته غير طلع مكان وفيه ناس يقولون شعر تذكرت ان الرواد يعني الناس الخطيرين بالشعر وانا ياحسره حمار بالشعر . واشوف الزير سالم وابو جهل وعنتر بن شداد والشله الطيبه جلست بينهم وانا ساكت المهم صار كل واحد منهم يقوم ويقول قصيده عن بطولاته (( وانواع النصب في القصايد )) المهم وصل الدور عندي وبصراحه توهقت . قلت ياولد خلني اقول لهم كلمات اغاني من اللي حافظهم هم ماراح يعرفونها واسوي فاهم عندهم واقوم وابدا اغني واول اغنيه قلتها لهم : اخصمك ااااااااااااااااه اسيبك لاااااااااااااا مدري الا كاس الخمر براسي والتفت واحصل عنتره يلعن فيني ويقول تكلم بلسان عربي ياهذا . قلت افاااااااااا الشعب مايفهم عربي والله انا اللي طلعت هندي من بينهم وقلت في نفسي ياولد من يغني دايم اغاني باللغه العربيه من ... من ياولد ........... اخيرا تذكرت كاظم الساهر ... واقوم واغني اغاني كاظم اللي كتبها نزار قباني واقول لهم اغنيه حافيةالقدمين اشوفهم بدوا يستانسون و خربهاابو جهل فصخ نعاله وقام يرقص وانا جالس اقطر عليه بالفلوس (( حركات مراقص ههههههههههههه )) بس والله ياابو جهل يعرف يهز من جد مثل الجوال اذا صارعلى الهزاز (( هز ياوز هههههههههه )) بس شفت الشغله كذا وامسك خط مع ام كلثووووووووم اخر شي قام ابو جهل وقال : ياعيوني ياسحووووووور هذا الكلام ذيب والله تعجبني . تعال واجلس بجانبي فأنت اليوم عندنا لكريم المقام (( في هذي اللحظه صرت احسن واحد عندهم هههههههههه )) واشوف الشباب بدوا يسكرون ... بصراحه قلت ياولد فرصتي اشرب ولاأحد يدري عني جيت قلت : ابي شامبانيا . جا ابو جهل قال : وش رايك تسكت لاصفعنك بهذا القدح . اناشفت الاخلاق رياضيه عندهم قلت بلا شراب بلا هم . المهم بديت اسالهم عن الجليله اتذكر انها حلوه . لما شفتها اعوذ بالله كأنها رقيه اللي بطاش ماطاش ........ قلت طيب ابي اشووووف زرقاء اليمامه وانصدمت طلعت شينه ولونها بني غامض (( نصابين كل اللي يدرسونا طلع نصب بنصب )) تحطمت مافيه ولا بنت عندهم مثل اللي توقعتهم كلهم شيوووووون اخر شي تذكرت اني مره شفت بمسلسل الزير سالم جاريه ترقص عند الزير حلوووه موووووووت قلت ياولد خلني اسال ابو جهل عنها (( خلاص صار الولد بجيبي صرت امووون عليه )) المهم جيت اكلمه اشوف وجهه مااشوف شي وجهه مثل مقفاه من جد كل مااشوف وجهه اتذكر فراشي بعد مااقوم من النوم انواع الحوسه بالفراش مثل وجه ابو جهل. المهم جيت عنده ومسكت بلحيته : وقلت طلبتك ياولد الاجاويد فيه جاريه وابيها قال : ابشر وش مواصفاتها <---- سياره ههههههه . قلت له مواصفاتها كذا وكذا فاجاه قام ووجه صاير احمر مثل الطماط وقال : ثــكلتك امك ياساحر انها زوجتي وام اولادي. وطلع سيفه يبي يذبحني . جيت وقلت أيييييييوه هذا اللي الناقص وش اسوي ياولد مافيه غير ارفع ثوبك وشغل الباور حق السرعه وماتشوفون غير الغبار اللي بعدي المهم وصلت في جهه مهجوره وتورطت وشلون ارجع لزماني <----- ذكرتني باغنيه امل حجازي زمان ههههههههههه المهم قلت مالي الا ابو عفريت لابارك الله فيه واقوم واحكحك بذا السر الين صار بطني قدر فووووول اخر شي طلع لي المارد وقال : شبيك لبيك . قلت : الله ياخذك رجعني مثل ماكنت . لابارك الله فيك لا انت ولا الجواري ولا ابو جهل (( من شفت رقصه وانا عارف انه مو مضبوط )) وفاجاه حصلت نفسي تحت النخله اللي كنت منسدح تحتها ----------- النهايه ----------------- ويالله عطونا من ردودكم الغاليه........... للتذكير.منقوووووول نقلاااااااااااااا مبرحا.......وأجريت عليه بعض التعديلات __________________
ههههههههههههههههههه ههههههههههه ههههههههه عندك واسطه خل المارد يسير عليه عرفه علي..... تكفى ابطلبه طلب... تحياتي لك يالغالي
ودي أكسـرعظم ساقي ولا ..أطلب ..لي بخيل أتحمل كسر عظمي ..ولا مــــنًـة ..عطــاه من تـرجى فزعة الضيق ..من راس الذليل والله ..إن يبطي ... مايروي ضمــــاه كـل شي ينـــسى إلا..الردى ...والجميـــل هذي الثنتين تبقى دين عليك ...طول الحياه [الأعضـاء فقط يستطيـعون رؤية الروابط. ]
هلا ومليار غلا بأخو وعله ومشكور عالمرور من عيوني اعرفك عليه بس سوي اللي اقولك عليه حرك سرتك 24/24 وهو يطلعلك
ههههههههههههههههههههههههه حلوة يعطيك العافيه طاطا على النقل
هلا وغلا بالطايفي والله يعافيك وشاكر لك مرورك
هذه الرسالة تفيد بأنك غير مشترك في راحة سنحان. لتسجيل الرجاء اضغط هنـا
هذه الرسالة تفيد بأنك غير مشترك في راحة سنحان. لتسجيل الرجاء اضغط هنـا 
تأليف في تأليف 
النمط الخطي
