 رد الــشــمٌــري عـــلـــى القــحــطــانــي
| اقدم لكم أحدى روائع الشاعر/ ناصر القحطاني
قصيدة ( شمّر ) والتي غــنــاهــــا الفنان خالد عبدالرحمن....
ورد الــشـاعــر نــجــم الأســلــمــي الــشــمــري عــلــى نــاصــر الــقــحــطــانــي
(( قـصـيـدة شـمّـر )))
الشمـس غابـت وكـلٍ دوّر سراجـه
والشوق جمّر ما احر الشـوق لاجمّـر
دام اتجاهك شمـال مودعـك حاجـه
سلم على حايـل وسلّـم علـى شمّـر
قدامك الخافـق اللـي ينشـد علاجـه
كنّه معلّـق علـى بـرزان ومسمّـر
وانت تعرف يابعد حيي مـن تواجـه
بيضان الافعال لا من الزمـن سمّـر
ان ضاقوا اعنف من البحر ومن امواجه
وان راقوا اركد من الخرمـان لاعمّـر
كم صيت بيتٍ عتق في الباب مزلاجـه
وكم شيخ اماره قبـل تعيينـه مومّـر
وكـم حاتمـيٍ ٍ تكفـي فلـة حجاجـه
وشلون للضيف لو عن ساعـده شمّـر
وان مـر تاريخهـم متلبّـسٍ تـاجـه
كم عاشقٍ كيّف وكـم حاسد ٍ زمّـر
في جوٍ اغلى مـن الرجلـي الى داجـه
من ديرة السادس ومن ديـرة معمّـر
كنّه الى اهـدى لـه البـرّاق ثجاجـه
طلة غريرٍ ضحك ومن الخجل حمّـر
توارثـوا حرثـه وتمتيـر ديبـاجـه
ركّابه الجيـب مـن ركابـة الضمّـر
الوّد لاغرس بدري صعـب مخراجـه
والله ولا الـذ واحلـى منـه لا ثمّـر
ادخل على اللي تطوف البيت حجاجـه
من ناقصٍ عند مـدح الغيـر يتذمّـر
والمدح لو كان في الرديـان للصاجـه
ويقال عمّر بلـد بالعـون مـا عمّـر
والذم لـو زاد فـي الطيّـب تولاجـه
لا احرق ولا اغرق ولاعمّر ولا دمّـر
مانيب متحسف بشعري علـى حاجـه
الا انـي اروح ماغنيـت فـي شمّـر
----------------
رد الأسلمي على قصيدة (( شـمّـر ))
بديت باللي ينير الكون بسراجه
الواحد اللي ينير الكون لاسمر
سبحان منهو نحت للسيل مدراجه
مظهر نجومه لامن الشفق حمّر
ومن بعد ذكره ورّدت القاف لي حاجه
وشربت لين ارتويت وخاطري زمّر
وبديت سيناريو شعري من إخراجه
ردا ً على الشاعر اللي ماهو مقمّر
بالله يامـودي المكتـوب رح ناجـه
وسلم عليـه وتكلـم بأسمنـا شمـر
سلم على اللي لضيفه يضحك حجاجه
من لابـةً تشبـع الجيعـان لاظمـر
تاريخ قحطان مثل الشمـس وهاجـة
غلطان منهو يقول الشمـس تنخمـر
وفي حاضر اليوم شال الطيب هداجه
أنا أشهد انه علـى الشعـار ينومّـر
الشاعر اللي بيوت الشعـر تحتاجـه
ناصر لسلم الجـدود الطيبـه عمـر
هم منبع الطيب هم ساسـه وإنتاجـه
والطيب وسط البيوت الطيبـه ثمـر
كريم برقً علـى قحطـان ملعاجـه
على المطر في بلد قحطـان ينهمـر
بديار قحطان طيـر العـز مدلاجـه
عسى النفل في فياضه كثب ومغمـر
مدحت ربع ٍ ماهم للطيب سمّاجه
والطيب مستاقد ً فيهم ولاجمر
ولاهمني واحد ٍ خطوته منعاجه
اعرف راع العمار من الذي دمر
ولاني بمتحسف بشعري على حاجه
إلا اني اروح مارديت عن شمر
-----------------
الشاعر/ نجم الأسلمي
(( منقوله من مجلة ليلة خميس))
__________________
راعـــــــــي الـــــــــديـــــــــره
«®°·.¸.•°°·.¸¸.•°°·.¸.•°®»المعذره على الأنقطاع«®°·.¸.•°°·.¸¸.•°°·.¸.•°®» |
آخر تعديل راعي الديره يوم 12-02-2006 في 10:36 AM.
| 
هذه الرسالة تفيد بأنك غير مشترك في راحة سنحان. لتسجيل الرجاء اضغط هنـا 
النمط الخطي
