هذه قصيدة الشاعر العنزي يمدح مشايخ وفرسان المملكه


ايه رفدي ساس المراجل والافعال= للمجد ساق العز سوق القلاعه

ولابن قعيشيش والحق ما حال = ما ساق بالارض المريفه رتاعه

ياشيخة المرشد لمن حده اللال = ما كذب التاريخ صوت الاذاعه

ولا الفقير اللي له المجد يختال = طيبه سما مثل النذر والاشاعه

يا فزعةالوجعان بالفعل والمال = عز الدخيل اللي شقا الوقت راعه

زمجر ابو ساق الهوايل اليا سال = سيل مثل سيل العرم باندفاعه

ان قلت يالخدري سقا القول همال= لا طار عن وجه الليالي قناعه

شباب بن مسعد على صم ورمال= كم هجمة مع تالي القوم زاعه

ابن دليم بصولته عبر الاجيال = يرسم زمانه هيبته وارتفاعه

ابن منيخر طيب الذكر والفال = عون الذيما عادفيه استطاعه

ثم ابن عادي راعي الدهم يشتال =حمل على غيره يجرالجزاعه

ابن عميره شارب عزه زلال = يوم الدهر تلتاع منه اللواعه

الشيخ ابن غنام لربوعه جلال = حلال عند المعضلات النزاعه

قالوا ابن جلعود لا عيف مقيال = يجوب درب تنعمي به سناعه

ابن جزا شيخ له علوم ودلال= طيب يساق وللمكارم بضاعه

ايه العقيلي كل ماحج جمال = من نجد يمن به ويمن متاعه

اذكر بن وقيان راياته طوال = يافي بساعات لوا الدهر صاعه

ابن مشيط اللي بمداته جزال= لا حل في عسر الليالي قطاعه


منقول

بيض الله وجهك ياجارالله

وصح لسان الشاعر العنزي

ويستاهلون المشايخ المدح