وزير الاعلام ردوا له وقولوا له=وزارة اعلامنا ياكبر غلطتها
تكفون تكفون قولوا له وردو له=اكبر خطيه رضاهم عن خطيتها
وقولوا لناس معه في منصبه حوله=اهل الامانات تُسأل عن امانتها
قولوا لناسٍ عن الاسلام مسئوله=ما نسمع الا بطاريها وسمعتها
اللي حصل في بلد الاسلام ياهوله=غلطه كبيره ولا ادري كيف رضيتها
جريمة العصر منها غير مقبوله=في منهج الشرع والدوله وسلطتها
في حق الاسلام مقصوده و معموله=واهدافها واضحه من نهج نيتها
الحاصل اللي حصل ياجور محصوله=والمشكله في المشايخ كيف طاعتها
الجنس والزندقه والكفر ويش هوله=في معرض اكتابهم جابوا روايتها
واكبر مصيبه كتب الالحاد وذيوله=ماحدٍ درى كيف لمّتها وجابتها
ياعنك خطة ردى بالعمد مفعوله=من قوم تبرم ورى الاسلام خطتها
اهدافها بالخزي والعار محموله=وشباب الاسلام والسنة ضحيتها
هاذي مصيبه على الاسلام واصوله=الله يستر ويلطف من نهايتها
في ارض هذا الوطن ماهي بمعقوله!=اهل الكفر كتبها ننشر دعايتها؟
اللي تسب النبي بالكذب وّطوله!=وتسب الاسلام هل نرغب مودتها؟
اكيد هاذي نوايا ناس مغلوله=ناسن عسى الله يكشف سر غايتها
افكارها بالردى والهدم مشغوله=ماهمها الآّ خراب االدين واٌمتها
حتى المره والمره دره ومجموله=يبغون نزع الحجاب ونزع غطوتها
يبغون تحريرها وتصير مجهوله=وان كان صارت كذا راحت كرامتها
اوضاعنا من بعضنا ليش مخذوله؟=قومٍ تغّير مذاهبها وسنتها
ناس تضاها بفعل الشر وتقوله=يا كثر ماتتفتري ياقل غيرتها
يالله ياللي له الُعُبّاد صلّوا له=يارب تهدي عبادك وانّ تثّبتها
يارب وفق ملكنا واحفظ الدوله=الدوله اللي على الاسلام ملتها

خولان بن عامر