حبايبي حبيت انقل لكم محاوره بين الشعار:
سلطان الهاجري
حبيب العازمي
وبدا فيهم
حبيب قائلا:

هلايامرحبايالهاجراطلع على المرقاب
ومد الشوف واتشوف الجمال الحمر في الوادي
ولا تنشد ليا ضاعت جمال حمر عوج وارقاب
ترى مالك جمل غادي وانا مالي جمل غادي
سلطان:
يدوم لك البقا والعلم بين الدقن والاشناب
لكن البس ولبسني ثياب بيض وجدادي
نجوم الليل ياحبيبي حسبناها بدون حساب
وعدينا السنه بشهورها هجري وميلادي

حبيب:
تبا تلبس ثياب العيد واتكبر على المرحاب
وانا واياك فيما فات تحضر كل الاعايدي
دخلت القبه الخضرا ولاتقفل عليك الباب
واناأوحيت المنادي والمنادي دونه منادي

سلطان:
تحياتي على الحاضر واشواقي على الغايب
مثل مستور بن تركي وصياف بن عبودي
ياسواق السفينه سرها واحذر على الركاب
ترى موج البحر لاهاج يغرق عفش الاجوادي

حبيب:
ابوزيد الهلالي يعلم أن الرمح رمح ذياب
ولا يقضي الطلب هجره على دله وبرادي
سفينة نوح مامونه من التفجير والارهاب
ولو كان البحر موجه يدف السيف من غادي

سلطان :
حقوق الطبع محفوظه عن الدجال والنصاب
وهداف البطوله ياخذ الخبره من النادي
ألا يا للي بنيت البيت بالعمدان والاطناب
مايربطنا معك ياكود حق الملح والزاد

حبيب:
ابوخالد من المكياج يوضي كنه المشهاب
يماري بالذلول اللي بليا خروج واشدادي
وانا والله ماحب الزخرفه والمظهر الكذاب
أجيب الراي من راسي واشب النار بزنادي

سلطان:
عليه الله واكبر بالعصا والرمح والمشعاب
ونار الحق مشبوبه ونور الصبح منقادي
يقولون العرب ماتحمي الميسم بدون اسباب
وانا ماني براعي صدفه من دون ميعادي

شكراً لك اخي الكريم على هذا المحاورة