إلى كل بنت ناشبة في حلق اهلها
وماتزوجت مع انهم حاطين معها اختها مجــاناْ ..

* شلون تصيدين (مقرود الحيل) المعرس .
عشان نجاوب ع السؤال إليكِ الخطوات :-
* أهم نقطة دوري العجوز اللي تدور لولدها عروسه
ثم نفذي ما يلي :-
1)خليك مع امك لاتروحين مع البنات
وتتهيبلين اصبري عنهن كم شهر
لين تتم العمليه .
2) امشي وانتى حاطة راسك بين كتوفك
لاترفعينه ابد حتى لو يصير كله صعارير.......مدري من وين جايبتها
علشان يقولون مؤدبه وماهي متكبرة.
3) كلمة خالة خليها على لسانك وخاصة
لأم المعرس علشان تحس انه مميزه عن بقية
العجايز ومافيه مانع تنادين عجوز ثانية بخالة
علشان اذا مانجحت الخطة مع العجوز نمبر ون
تنجح على الثانيه <<< الاحتياط واجب يابنيتي
4) اذا بدت امك تتكلم انغزيها بكوعك
>> بشويش عليه لاتدخلين كوعك بجنبه من التفاعل
عشان تدخلك بالموضوع حتى لو مالك داعي تطبيقاْ
للمثل ( كثر الطق يكسر الحديد ) ادري المثل ماله داعي بس مالقيت غيره .
5) اخوانك الصغار لاحقيهم وطامري
معاهم وين مايروحون حتى لو ماهي عادتك بس تصرفي
معهم كانك امهم عشان العجوز تاخذ فكرة انك حريصة على ذريك
( جعلهم عقبك )
6) كل ما كلت امك من اكلة زينة خليه تقول :
نفس الأكلة اللي تسويها بنتي
( حتى لو الاكل من المطعم الصيني أو الامريكي!!! ).
7) اذا جيتي بتمدين ايدك جعلها للكسر <<< خربتها
توجعي وتميرضي وتالمي
وخلي امك تقول : قلت لك وانا امك لاتنظفين
جدران الفلة الخارجية بس انتي
الله يهديك ذابحتك
النظافه <<< جعلني ما ابكيك
اجل بتنظفين جدران الفلة نظفي غرفتك أول اللي تقولين
ثايرة فيها قنبلة ذرية
8) اذا تكلموا الحريم عن العرس اكتمي نفسك لين تحمر
شدوقتك( خدودتك)
عشان يقولون البنت تستحي
ومالنا حق تكلمنا عندها << بس لاتكتمي نفسك واجد أخاف تروحين فيها
واصير قتلت نفس بريئه بغير حق ؟؟!
9) مهما كان موضوع الحوار حماسي لاتبدين رأيك خليك مثل الطرمان
لان اللقافه تجيب اجل الخطه
10) شعرك افرديه لاتخلينه طاير وشوشه
مهما كانت الموضه
لا تقولين مجعدته ولا ملفلفته
لان العجايز ما يدورون إلا اللي
شعورهم ناعمه والا اللي شوشهن
طايرة محد يلتفت لهن *يرحم حالهن* (مع احترامي للي لهن شوش طايره )
11) إذا أدلت العجوز (أم المتوهق) بأي راي سواء سياسي ولا وطني
ولا اقتصادي وافقي عليه حتى لو انه ماسخ وماله داعي
مثلاْ تقول العجوز: أمس بوش متقهوي
عندنا يا فلانه
ردي عليه الرد السنع وقولي له:
وليه ماعلمتينا ياخالة نجي نعاونكم؟؟
12) في العروس لا ترقصين
واعتبري الرقص عيب وشق جيب
اقضبي ارضك وانثبري.
13) اذا جا طاري السوق وهو طبعا
لازم يجي الطاري لانه ملح الجلسه
عند الحريم خلي امك
تقول ( الله يعظم اجر اميمتك) بناتي
مايطلعون للسوق ابوهم يجيب اغراضهن .
))))))))) احتمــــــــــال وارد الحــــــــــدوث (((((((((
يمكن تكون العجوز حاطه عينه على بنت
غيرك لكن بعد النقاط السابق ذكرها
انسي انه راح عليك انتي وغيرك <>>امزح لاتصدقين
ماعليناااااااااا المهم اللحين العجوز بتكون وقعت بالفخ
(((((((( تحذيــــــــــــــــر ))))))))[/[/
ابتعدي عن امهات العيال اللي متعلمات
راعيات الشنطة مثل لون الجزمة
لان هذولي يبيلهم خطط بعيدة المدى
(((((((( نصيحــــــــــــه )))))))))
رفيقاتك بيلاحظون التغيرات المفاجئه
اللي صارتلك فانتي قولي لهم انك
خلاص انسانه عرفتي درب السنع والعداله
منك العيال ومنه المال
وتخلفون صبيان وبنات


لاتزعلون يابنات هاذا رايي وكل واحد له راي ولا احد يزعل من عنوان الموضوع!!!!!!!

ههههههههههاي <<ميته ضحكـ خلاص اجل بسويها لارحت الديرة بعد اسبووع خخخخخخخخخ صدقت <<توها ورعه ..اما الخطة الله يعين الي بتسويها بتموت ولااحد بيطب عليها هههههههههه كثر من النصايح ذي تنفع لنا هع هع هع هع