هذة قصيدة جديدة لمفرح مؤثرة جدا وقد لحنها وأنشدها الشاعر الكبير مفلح السلاطين وهذة هي بين أيديكم .
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ذيب عـــوى في عاليات المراقـيب=حرّك هموم في خفوقي سرايــــا
و ناديته بصوتي على ويش ياذيب=فارقت شي وقالبتك المــنايــــا
و رد الجواب بعوية تظهر الشيب=روحي مع صيحته راحت سبايـــــا
ذيب الخلا روّح قضى نحبه الذيب=منسي وسجل ضمن كشف النسايا
لا له جزا لا له عقاب ومحاسيب=لا له بيوم الحشــــر كشف وقضايــا
مير البلا حنا البشر ويش بنجيب=في يوم نســــأل عن جميع الخطايا
أما بجنـــة ملتــــقـانا تراحـــــيب=و لاّ بنـــــار نســـاق وحنا عرايا
يا الله ياللي تعلم الجهر والغيب=إرحـــم ضعيف عاقبته الخطــــايا
يارب يشكي لك من الذنب تغييب=قلب مـع ذنبه ســـــــــنين مـظايا
من بعده ا تكفون يا منبع الطــيب=العفو لـجـــل الله خــــــــير المزايـــا
حامت علي غبرالسنين العواطيب=وسط السجـــون مقيد بالــــــــزوايا
مالي جدى الا ونـّة تظهر الشـيب=من هولها والقلـب روّح شـــــظايـــا
تكفى يابو متعب عريب المناسيب=ياخــــادم البيتين ســــــتر الصبايـــا
ياعزنــا فكّــاك عسر المناشيـــب=ســــم الجـــلا واللي جفته النحــأيــا
مزباننا لا من دهتنــا غواليـــب=يوقف لهــا وقفـــــــة جبـال السرايا
وتكفى يابو خالـد سريع المضاريب=نســــل الملـــوك وعزوة في البلايا
سطوه ونخوه كاسـب للمواجيب=شـيخ لا من شــــاش شاشت سرايا
جيتك يابــو خالد وأهـل المـواكيب=السيــــف حـــــل وحــــل سهم المنايا
تكفون يا آل سعود ذقت اللواهيب=والضيـم من صدري غدى في الكـــلايا
و أنخى بني عمي شيوخ ومعازيب=مــــن حـد يــام ليا حـــدود الطنــايـــــا
قحطـــــان عز المبتلي مابها ريــب=رمــز الظفـــر تشهــد شيــــــوخ الروايا
وعـداد ماعـــم البشر بالـمحاريــب=صلــوا علـــى المبعـــــوث سيد البرايـــا
وهذا رابط القصيدة وهي مغناه :
[الأعضـاء فقط يستطيـعون رؤية الروابط. ]
ملاحظة:
بعد الدخول للرابط تجد مربع مكتوب علية أكمل أضغظ علية ثم أنتظر العد في الجزء الأعلى في الصفحة حتى يتنهي ثم أضغط على تحميل وأنتظر التحميل
التوقيع
[الأعضـاء فقط يستطيـعون رؤية الروابط. ]
الصورة منقولة من موضوع للاخ قرناس السعد فشكرا يا قرناس
الله لايهينك يا عوض وتراك صديق قديم لي في شاتكم السابق
وبالنسبه لموضوع مفرح مامعه منا الا الدعاء والله يفرج همه
وانصح اخواننا من ربعنا انهم ينشرون هذا الموضوع لعموم قبيله قحطان لاني حقيقه ماسمعت عنه الا يوم دخلت موقعكم وشكرا لكم ابو بنـــــــــــــــــــــــــــــــــــــــــدر
خلونا من القصائد والشيلات وادعو ان الله يهدي ال جراد ويتنازلون بدل القصائد و ابن يصباء ينخى الله سبحانه وتعالي ان يفك عليه ويهدي ال جراد القصائد ماتسوي شي الدعاء الي ينفع ادعو له في ظهر الغيب والاسحار الي فعلا يتمنى الخير بدل القصائد
هذه الرسالة تفيد بأنك غير مشترك في راحة سنحان. لتسجيل الرجاء اضغط هنـا 
قصيدة لمفرح جديدة ينخى فيها آل سعود 
.gif "Sn7 (35)")
النمط الخطي
