بسم الله الرحمن الرحيم




ما كل من يضحك بدنيـاه مسـرور

لو ضحـــــكته دايـم تحــــرك حـجاجـه


وما كل من يبكي من الناس مقهـور

بعض الدموع رخاص من شان حـاجه




وما كل صادق لو حكا لك من شعور

يا كثر من زيف المشــــــــاعـر خراجـه


وما كل ما يخفا من السـر مستـور

بعض الوجــيه ابين من زجاجه




وما كل بيتٍ بابه انصـك مهجـور

كم بيــتٍ اطفا الشــــح واهـج ســــراجـه


وما كل وردٍ تزرعـه ينثـر عطـور

لو ماه صـــــــافي مـا يخالـــــــط هماجـه




وما كل مرهف قلب لو يزرع زهـور

قلب يحــــــب الورد وهو مثــــــل صاجـه


وما كل من يخطي من الناس معذور

البعـــــض يخطي من علــــــوم العـواجـه




وما كل من يسكت على الظيم مجبور

لجــــــل الغـــــلا ساكت ويدعـي انفـراجـه




وما كل راسٍ ضيع الفكـر مسحـور

كم راس ســحر الحب جاب ارتجــــــــاجـه




وما كل من شاور حكيمٍ خذا الشـور

بعض الــــــــبشر مـا يقنـع الا مـــــــزاجـه


وما كل من سمي صقر يشبه صقور

كم من صـــــقر وقت الشدايـد دجاجــــــــه


********************
وسلامتكم

اخوكم / محمد القحطاني..