للشعر شعار وللطيب رواد = في دار ابن زايد حميد الخصايل
ياشاعر المليون من صرت ميعاد = جزل القصيد وطيبات المثايل
احييت روح الشعر والشعر قد باد = مثل ما تحيي البيد غر المخايل
وكونت جمهورك من بلاد لبلاد = بفضل الذي للطيب والمجد نايل
ووحدت ما يصعب على بعض الاسياد = بين امة راحت شعوب وقبايل
وصرنا نتابع لك لو الغبن يزداد = بصدورنا مثل الوقيد الشعايل
فينا سؤال دايم الدوم ينعاد = ماله جواب بين سايل وسايل
يامن يوحدنا على كسب الامجاد = في ماقف يشفي الكبود الغلايل
اما نعيش بعز ونضد الاضداد = والا نموت وتالي العمر زايل
الغرب سوى مسرحه فوق بغداد = هذا كلام مايبي له دلايل
في ليلة مابين مسرى ومهجاد =يبرق بها البارود والدم سايل
والصبح حلوها على عيون الاشهاد = وسطو بقوه ما خذوها تحايل
وتمكنوا فيها الخنازير الاوغاد = وسوو هوايل مابعدها هوايل
مابين فتك وهتك والحرب وقاد = وعوايل بيدت وشرد عوايل
والعرض دنس والشرف بين الاجواد = بكى وبكى ناقضات الجدايل
وطاح الزعيم اللي له الصعب ينقاد = وقادوه بيديهم وذاق النكايل
ثم عيدوا به فاول ايام الاعياد = وذاعوا بموته في جميع الوسايل
وبغداد تنخى في عريبين الاجداد= اهل القنا واهل السيوف الصقايل
وتقول عقب الذل والغبن وشعاد = وين الرجال مطوعة كل عايل
نخيت خمس سنين لاشك مافاد = انخى ودمعي فوق خدي همايل
متى يجي للعز والنصر ميعاد = في موقف يفخر بطيب الفعايل !