سلام ورحمة الله يابن خالد فيصل الميمون=أمير الخير وجه الخير بشرى الخير من خيره
كبير الجاه وجهه يقنع الداين من المديون=عطاه الله وجه وجاه يفرق به على غيره
لما وقَف من التقدير حتى في الرقاب يمون=الاشاره من يده تكفي ويكفي منه تأشيره
مواقيفه وفزعاته تفرَج ضيقة المسجون=يثمَن وجه من ينصاه ويقدَر مشاويره
رصيده في علوم الطيب بالمليار والمليون=رصيد(ن) ما يعرفونه هل الدولار والليره
عيونه في طريق الطيب ماله في القصور عيون=يشوف الطيب حول عيونه اقرب من نواظيره
ضمنت الطيب في يدك وصار الطيب بك مضمون=هدف عينك بعيد وفي الوفى ما يأخذك حيره
ومهما قالوا الشعَار بك في الوصف ما يوفون=يزين الشعر فيك ويعتذر من كثر تقصيره
وأنا يا سيدي يوم اتكلَم قدمكم ممنون=اصخَر لك بيوت الشعر وآهيَي طوابيره
لما جاء واجب الشاعر صعيبات البيوت تهون=وهذا واجب الشاعر ولا يكثر معاذيره
سمعنا من عدى الاسلام علم ٍ بيح المكنون=ولآبه مسلم الا المسلم اللي تأخذه غيره
يسبَون النبي لا والله الاَ كلهَم يخسون=ويخسى راسم الصورة ومن شارك بتصويره
نحارب كل من يسخط من أطهر واحد ٍ في الكون=رسول الله شفيع الخلق يكرم طيب السيره
رسول الحق جاب الحق واللي كذَبه ملعون=عليه منزَل القرآن ووحي له بتفسيره
بحبَك يا رسول الله والله ما تبعنا الهون= رفعنا صوتنا والحق ما تنقص معاييره
ملوك بلادنا وشيوخنا بالظلم ما يرضون=ومن يرضى بظلم وعَده ربي بتعزيره
ترفرف راية التوحيد فيها سيفنا المسنون=علمنا كلمة الله زوَدت قدره وتوقيره
علمنا ما ينَكس يحفظه من نَزل الزيتون= وقسم بالتين والزيتون ما تقرب محاجيره
وقرار أمة محمد واحد يا أهل الوفى تكفون= ما عاد أكبر من اللي صار في الدنيا علي جيره
نقاطعهم ونقطع من يحالفهم ولو يشكون= نذكَر كل منهو مسلمٍ يحتاج تذكيره
تعاد لهم بواخرهم على متن البحر بطنون=يصدَر وارده ويورده من بعد تصديره
مواردنا تكفينا وناس ما دروا يدرون=تكفينا موارد ديرة ٍ ما مثلها ديره
حبوب القمح والتمرة غذاء الاجداد لاتنسون=قبل ما يصنع الجبن الدنامركي وتحضيره
لعنك الله يا صهيون واللي ناصروا صهيون=عليهم لعنت الله صانعين الخمر والبيره
عباد الشهوة اللي حاربوا الاسلام با لأفيون=عليهم نرفع أيدينا بتهليله وتكبيره
غزوا الاسلام وآخر ماغزوا الاسلام بالكربون=على بيض الورق يرسم حقير خرب تفكيره
وصحيح الفكر لا يمكن يصدَق فكرة المجنون=كفر بالحق والله واعد الكافر بتكفيره
نهار الحشر يستهزا بهم مادام يستهزون=بحول الله جليل الملك سبحانه وتدبيره
جليل الملك يمهلهم ولا يهمل فلا يطغون= يدمـَـرهم ومن يقدر يرد أمره وتدميره
لهم يوم يؤرخ مثل يوم الطاغية فرعون=ونجى موسى وقومه وأهلك الطاغي وآساطيره
ومثل ما سلَط الجلطه على راس أريل شارون=وعجز فيه الطبيب وبان في أسرائيل تأثيره
حثالة مجتمع فيهم ومنهم كل شكل ولون=نجوس والنجس كرمكم الله صعب تطهيره
وصلاة الله على طاها الرسول الطاهر المصيون= عدد ما أنشى السحاب اللي رعوده في مباكيره