حسين بن شتوي الحبابي وفلاح المورقي العتيبي (((محاوره)))
محاوره جرت بين الشاعرين الشابين
الشاعر حسين بن شتوي الحبابي القحطاني
والشاعر فلاح بن خالد المورقي العتيبي في
حفله افتتاح مكتب (ميدان الشعراء) بمدينه خميس مشيط الموافق
17/ 5/1429هــ
حسين بن شتوي الحبابي =
يامرحبا في محفلن يرفع الراس =
من شاعر ياخذ ويعطي مع الناس=
والشعر فتل ونقض واشعور واحساس =
صحيح من لايعرف الصقر يشويه =
ياهلا حياكم الله بحفله الافتتاح = عند ربع ساعه الحرب جدي جدها
وايش عندك من خبر يالعتيبي يافلاح =المطيه ياعساها تقوم بشدها
فلاح المورقي =
دام البقاء يالشاعر الدبلومسي =
وليتك تحطم كل رقم قياسي =
خصمك سوات الضلع ثابت وراسي=
صحيح من لايعرف الصقر يشويه =
البقاء بك جعل في الامر لك خيروصلاح =عن رجاجيل تظيم العداء وتضدها
والله انا مانسج القدم في ارض براح =والمواقف كائده وانت اضنك قدها
حسين بن شتوي الحبابي =
يالمورقي فزتوا علينا بثنتين =
الاعلام والشهره وشي بعد زين =
وانا ابن شتوي واعتزي بالقحاطين =
صحيح من لايعرف الصقر يشويه =
تصطفق الامواج في البحر باسباب الرياح =والشواطي يختلف جزرها من مدها
ياصبي ماردك عندي علي عد قراح =في الشنب لجبت كلمه نجيك بضدها
فلاح المورقي =
صدقت يارجال في اللي تقوله=
فزنا بشعر ومعرفه مع رجوله =
وانت كذلك من رجال البطوله =
صحيح من لايعرف الصقر يشويه =
الجبال الراسيه لاتزال ولاتزاح =والجبال اثنين واللي بقي لك عدها
انت شاعر مير ماجبت تقدير النجاح=من جهتك اهل الشعر ودها ما ودها
حسن بن شتوي الحبابي =
المرجله ميراثنا يالعتيبي =
والشعر حنا اهل الشعر ياحبيبي =
واما انت والله لادخلك وسط جيبي =
صحيح من لايعرف الصقر يشويه =
الجبال ندكها دك واللي راح راح = اركد اركد يالعتيبي ونفسك هدها
شاعر جمهوري يقوم ويزيد الصياح =لاترد الناس للملعنه وتحدها
فلاح المورقي =
انا ما ابا المنقود عند القحاطين =
مير ابتلشنا بالجهالا المجانين =
ماني حبيبك حبك البرص ياحسين =
صحيح من لايعرف الصقر يشويه =
عام الاول يوم كلا تحزم بالسلاح =اللزوم الكايده ماقدرت تسدها
صايحوا له ياجماعه تري الدعوي مزاح = والولد يعرف مزوح العرب من جدها
هذه الرسالة تفيد بأنك غير مشترك في راحة سنحان. لتسجيل الرجاء اضغط هنـا 
حسين بن شتوي الحبابي وفلاح المورقي العتيبي (((محاوره))) 
النمط الخطي
