السلام عليكم شباب ؛

لكل شخص امور ينزعج منها ................. وابرزها :



1- انك تكون متحمس وودك تلعب كره وداخل الملعب تبي تقطع الفريق الثاني اخر شيء محد جايب كره .



2- ان تصحى باكرا متأخر والمحاضره راح تطوفك .... كوب الشاي يندلق عليك

وما عندك غير هالبدله المسنعه .



3- انك تكون نعسان وودك تنام ..................يتصل عليك صاحبك ويقولك خلنا نروح

الاستراحه ( المقهى ) وما تقدر ترده .



4- تكون سهران ونايم الساعه 5 الفجر ........... تصحيك الوالده الساعه 7 وتقولك ودني الطبيب .



5- تكون دارس وشاد حيلك للاخر للامتحان................. يجيك الدكتور ويقول

الامتحان تأجل .



6- تكون جوعان ومحد موجود بالبيت وتطلب من المطعم ............ لكن تكتشف انك مفلس



7- تكون تبي تروح مع الربع ويجيك ابوك ويقول ...... ود اهلك .... لبيت عمامك ولازم تبات معاهم



_8- دق عليك واحد من الربع وقلت له انك تبي تنام وما تبي تطلع ( تصريفه ) وبعدين تطلع مع شباب ثانيين بس رحت للمكان الفلاني لقيته بوجهك ويخز فيك .



9- تكون توك تبي تشبك عالنت وتحط عالفورسا و اذا بالكهرباء تغادر المنزل .



10 - واحد معطيك هديه عطر , ويوم من الايام بغيت تروحله ونسيت وحطيت من نفس العطر ( off side ) .



ان شاء الله اعجبتكم هالنكبات .

يالله انك من النكبات تامنا يارب

يعطيك العافيه يالحبابى على الموضوع المميز والمضحك فى نفس الوقت


اتمنى لك حياه سعيده

تقبل مرورى

الحبابي

اشكرك على اهتمامك ومجهودك وتواصلك

لك خالص التقدير

باانتظار جديدك

دمت بحفظ الله ورعايته

رنيــــم