لي متى يشبه شروقي ياولدعمي غروبي

.......................... لي متى وانااتحاشى من شعوري واتفيا

البلا اني كل ماجيت اتحلل من ذنوبي

............................ مالقيت مسامحه وابليس يزهمني تريا


اوجعتني ضيقتي والناس حولي مادروبي

.......................... بين قوم من وصال وبين قوم من جفيا


كل ما ضاقت علي اوساعهاباحت اغيوبي

...........................وان سلمتك ياالمواجه ماسلمتك يالقفيا

لا..تقول ابومحمد.مالي اعوال وعزوبي

.......................... وينه محمد واناماني هناك ولا...هنيا


قل علي والابلاش ان ضقت قلي ياجنوبي

....................... والجنوبي ماذبحه الا المسامح والحميا


ضاع عمري وانكسر قلبي وربعي غرفلوبي

......................... واوقفولي واخر المشوارباعتني شفيا

يامحمد واصدقاي اللي مساكنهم جيوبي

...................... روحو حسبي عليهم من هنا لين الثريا


لا..تقول اعيوبهم خلهم وعلمني عيوبي

......................... كانني غلطان علمني وانااتاسف بليا


يامحمد..يامحمد.يامحمد.لد صوبي

........................ ماتظيق وعاد فيني حيل واناخومهيا


قلهم شفت البحر بصابعه وانعذربوبي

.................... رحت اصب البحر في كاسي وانادم واتهيا


والصحيح ان الزمان اللي غدى دوبه ودوبي

......................... قلت ودك ننهي الموضوع ونحله.. وعيا

غــــــــــــــــــــــــــزل,,,,




الود له ضمـةً والصـدر لـه ضمـه
والنفس ماهي من ألاخطاء معصومـه

مدام فى الراس قدح ,, وفى القدم هِمه
فالقاع له خطوةً والبحـر لـه عومـه

القبر فى ألارض ,,والشهره على القمه
يارب لاتجعـل الطيحـه بـلا قومـه

لاقلت هانت مصيبـه جتنـي مطمـه
وقتً تخارجت من نابـه لبلعومـه !!

من يحسب أني هدف يرميـه ويخمـه
أضحك على لحيتـه وابيّـع هدومـه

آكل من ألنخـل واورّد علـى ألجِمـه
مدروسةً خطـة الكبتـن ومرسومـه

والهم ياحوول مايخجـل علـى دمـه
يجي وأنا في حـلاوة سابـع النومـه

أجاهـده بالـذي لبيـه مـن فـمـه
تسوى المساوي ..جعل يومي قبل يومه

أشفق على شوفته فـي ذمتـي ذمـه
ويلي على قطـف رمانـه وبرشومـه

كانت عربنا تسولف عن جمـال أمـه
وأليوم ختـم ألحـلا بيديـه ورقومـه