الشاعر اللي فيه سيما اهل الكرم والصالحين=احيان يقرا ماكتب واحيـان يكتـب ماقـرا

وصاه ابوه وجده اللي وارثه والصـا لحيـن=امايحصـل مابحـر والايحـصـل مـاقـرا

ياحبيّب الروقي بلشنا في الليالي والسنين=الله يساعدنا على الكوكب وما به من ورا

راح المفرج والمزرج والمصقل والسنين=ما باقي إلا قفش ترباسه رما به من ورا

يابو محمـد مامشينـا فالـدروب الا يميـن=وانته تعرف الايمنا وانتـه تعـرف الايسـرا

لاكن لاياخذك فاهل الـزور لـوم الايميـن=مير انتبه للي سرح واحسب حساب اللي سرا

دينٍ ما ينكر منكراتٍ محدثه ماهوب ديـن=والوادي الممحل لا راد الله له الرحمه جرا

البيع يا طير السعد عد وعدد ماهوب دين=والطيب اللي لا جرا غيره مع الزحمه جرا

يالله لاتفرح علي اهـل الحسـد والشامتيـن=ويبطي عدوي من صوابه بعد اصابـه مابـرا

ياهل الهوى وين الهنوف ام الوشم والشامتين=كم واحدن يقول عاشق مار جسمـه مابـرا

انتو وحنا طال عمرك كلنـا مـن قالطيـن=الله تعالى يجعل لمـن طاعـه حجـاب وذرا

منقال طين اهل البناء ياصاحبي منقال طيـن=ويوم الحصاد يحصّل المحصول من جاب وذرا

انته وابن وسام سجلتوا هدف فالدورتين=واناقريت القارعه والزلزله والـم تـرا

التين فالبستان يارجلٍ تبا فالدور تيـن=لاكن قيس المزرعه باليارده والامتـرا

انا وابن عمي كفو والشارقة ماهيـب عيـن=انقل ترا ما عاد في الديرة مكان انقـل تـرا

العين صارت خشم ياحبيّب وصار الخشم عين=وهل السعودية ما تعرف مهرجـان انقلتـرا

لوتحسب القسمه على المقسوم له والقاسمين=اللي يباع برخص في سوقه بسعـره ينشـرا

القا جمل والقا جـزل والقاهـزل والقاسميـن=مير الصحافه كـل شيئـاً ضدهـا ماينشـرا

مافاد ابو شوشه لا ابو شارب ولا ابو شاربين=لا جات له بالمشتـرى والبيـع ولا بالكـرا

خلق الله بنعمة وخير وما كليـن وشاربيـن=خل العيون اللي نضب ماهـا تحـلا بالكـرا

وين السيوف القاصمه ياصحبنا والمرت وين=الفن علينا ماطرا والفن علينـا قـد طـرا

الله خبير بحال من ماتو ظمـا والمرتويـن=وان كان ماهب السعد فلاعلى الدنيـا طـرا

انا ليا جارت علـي الأيـام قلـت الله يعيـن=وإن زان وقتي جيت عدواني على الكون جهرا

الرقية الشرعية تعالـج لـو العايـن يعيـن=عيون يسبق شوفها الدربيل وعيـون جهـرا

اللي يحب المرجلـه يبديلهـا والهـا يبيـن=واللي يعدي في كرا يقدر يحـول مـن كـرا

وانته تعرف الصاملين امن العرب والها يبين=حدث ولاتنسى نصيبك مـع نكيـر ومنكـرا

يقودنا لأهل المراجل والوفاء شوق وحنيـن=الحزة البركة الياجتمعـوا مشايـخ وامـرا

كلن يعرف اللي لا شال الحمل ما جاله حنين=وانا لكم حتى لو إني مـن ورا الفيـوم ارا